Үйлчилгээний нөхцөл ба нууцлалын бодлого

1. Ерөнхий зүйл

1. Энэхүү Үйлчилгээний нөхцөл цахим худалдаа үйлчилгээний “Гэрэгэ шоп” веб платформ ашиглан гэрээт борлуулагчаас бараа бүтээгдэхүүн, үйлчилгээг худалдах, Хэрэглэгч худалдан авахтай холбоотой үүсэж буй харилцааг зохицуулна.

2. Үйлчилгээний нөхцөл

    2.1. Гэрэгэ шоп цахим худалдаа үйлчилгээг ашиглах харилцагч нь 18 нас хүрсэн, эрх зүйн чадамжтай этгээд байна. Үйлчилгээний нөхцөлд хэрэглэсэн дараах нэр томьёог тус тус харгалзуулсан утгаар ойлгоно. Үүнд:         2.1. “Хэрэглэгч” гэж “Гэрэгэ шоп”-д бүртгэлтэй, цахим худалдааны платформын үйлчилгээг авч, ашиглаж буй худалдагч, худалдан авагчийг;        2.2. “Худалдагч” гэж өөрийн өмчлөлийн бараа, бүтээгдэхүүнийг цахим худалдааны платформд байршуулж, нийтэд худалдахаар санал болгож буй хувь хүн, хуулийн этгээдийг;        2.3. “Бараа, бүтээгдэхүүн” гэж Худалдагчаас борлуулах зорилгоор “Гэрэгэ шоп”-д байршуулсан импортын болон өөрөө үйлдвэрлэсэн, түүний өмчлөлийн эд зүйлийг;        2.4. “Үйлчилгээ” гэж Хэрэглэгч нь бусдаас захиалга авах зорилгоор “Гэрэгэ шоп”-д байршуулсан бүх төрлийн ажил, үйлчилгээг;        2.5. “Гүйлгээний түүх” гэж төлбөрийн хэрэгслээр дамжин хийгдсэн орлого, зарлагын мэдээллийг;        2.6. “Үйлчилгээний шимтгэл” гэж амжилттай биелэгдсэн захиалгын нийт дүнгээс авч буй мөнгөн дүн (Үүнд: систем ашиглалт болон банкны шилжүүлгийн шимтгэл)-г;

    2.2. Хэрэглэгчийн хийж буй гүйлгээг хурдан шуурхай найдвартай гүйцэтгэх, системийн аюулгүй байдлыг хангана.

    2.3. Гэрэгэ шоп цахим худалдаа үйлчилгээнүүдийн ерөнхий нөхцөл, үнэ тарифт өөрчлөлт орсон тухай бүрт мэдээллэнэ. Өөрчлөлт орсноос хойш харилцагч үйлчилгээг хэрэглэсээр байгаа бол хүлээн зөвшөөрсөнд тооцно.

    2.4. Хэрэглэгч нь нэвтэрч, бүртгүүлэхээс өмнө Үйлчилгээний нөхцөл, Нууцлалын бодлоготой бүрэн танилцах үүрэгтэй. Үйлчилгээний нөхцөл, Нууцлалын бодлоготой бүрэн танилцаж, эдгээр нөхцөл, бодлогод заасан нөхцөлүүдийг хүлээн зөвшөөрсөн тохиолдолд “Зөвшөөрч байна.” гэсэн товчийг идэвхжүүлснээр Хэрэглэгчийг зөвшөөрсөнд тооцно.

3. Нууцлалын бодлого

    3.1. Гэрэгэ Пэй ХХК нь Хэрэглэгч-ийг цахим худалдаа үйлчилгээний Гэрэгэ шоп-д бүртгүүлж, ашиглах үед Хүний хувийн мэдээлэл хамгаалах тухай хуульд заасан нөхцөл дүрмийн дагуу хувийн мэдээллийг цуглуулж, боловсруулж, ашиглах бөгөөд мэдээллийн аюулгүй байдлыг хангана.

    3.2. Та нууцлалын бодлого-д заасан нөхцөлүүдийг зөвшөөрч “Зөвшөөрч байна” гэсэн товчийг идэвхжүүлснээр аппликешныг бүрэн ашиглах боломжтой болж Гэрэгэ Пэй ХХК-д хувийн мэдээллийг ашиглах зөвшөөрлийг олгосонд тооцно.

    3.3. Хэрэглэгч мөн өөрийн хувийн мэдээллийн аюулгүй байдлыг хангах үүрэгтэй ба хангаагүйн улмаас үүсэх эрсдэлийг “ Гэрэгэ Пэй ХХК” хариуцахгүй.